کشیدگی بڑھانا نہیں چاہتے، اسرائیل کو سزا دینا ضروری ہے، ایران

 ایران کے وزارت خارجہ کا کہنا ہے کہ علاقائی کشیدگی بڑھانا نہیں چاہتے۔

اس حوالے سے ایک بیان میں ترجمان ایرانی وزارت خارجہ کا کہنا ہے کہ اسرائیل کو سزا دینا ضروری ہے۔

واضح رہے کہ ایران کے سپریم لیڈر آیت اللّٰہ خامنہ ای نے اسماعیل ہنیہ کی شہادت کے فوری بعد سپریم نیشنل سیکیورٹی کونسل کے ہنگامی اجلاس میں اسرائیل پر براہِ راست حملے کا حکم دے دیا تھا۔

ایران آج اسرائیل کیخلاف حملہ کرسکتا ہے، امریکی و اسرائیلی میڈیا کا دعویٰ

امریکی وزیر خارجہ انٹونی بلنکن نے خبردار کیا ہے کہ ایران اور حزب اللہ کی طرف سے اسرائیل کے خلاف حملہ (آج) پیر کو ہوسکتا ہے۔

اس سے قبل ایرانی سپریم لیڈر آیت اللّٰہ خامنہ ای نے اسماعیل ہنیہ کی شہادت پر ردعمل دیتے ہوئے کہا تھا کہ ہنیہ کے قتل کا بدلہ لینا تہران کا فرض ہے۔

یاد رہے کہ اسماعیل ہنیہ کو 31 جولائی کو تہران میں اس وقت شہید کیا گیا جب وہ ایرانی صدر مسعود پزشکیان کی تقریب حلف میں شرکت کے لیے ایران کے دارالحکومت میں موجود تھے۔