بطور وزیراعلیٰ اسلام آباد میں جلسے کا اعلان کر رہا ہوں، علی امین گنڈاپور

05 اگست ، 2024

وزیر اعلیٰ خیبر پختونخوا علی امین گنڈاپور نے کہا ہے کہ بطور وزیراعلیٰ اسلام آباد میں جلسے کا اعلان کر رہا ہوں، جلسے کےلیے کوئی بھی جگہ دے دو، اگر این او سی کی درخواست کے باوجود اجازت نہ دی گئی تو ڈی چوک پر جلسہ ہوگا۔

صوابی میں جلسے سے خطاب کرتے ہوئے علی امین گنڈاپور نے کہا کہ نظریہ نہ ہی قید ہو سکتا ہے نہ ہی ختم ہو سکتا ہے۔

انھوں نے کہا کہ عوام بتا رہے ہیں کہ ہم نے خوف کے بت توڑ دیے ہیں۔ ہمارا اسلام آباد میں جلسہ تھا، اب ہمیں کوئی نہیں روک سکتا۔

وزیر اعلیٰ کے پی کے نے کہا کہ اگست کے آخری ہفتے یا ستمبر کے پہلے ہفتے میں ہمارا اسلام آباد میں جلسہ ہوگا، کوئی روک سکے تو روک لو، دما دم مست قلندر ہونے دو۔

قومی خبریں سے مزید