فرمان الہی
نماز کے اوقات
کراچی کے علاقے بلدیہ، اتحاد ٹاؤن میں گاڑی کے اندر دم گھٹنے سے 3 سال کا بچہ جاں بحق ہو گیا۔
پولیس کے مطابق بچے کی موت کا واقعہ کیسے پیش آیا تحقیقات کی جا رہی ہیں۔
ایس ایس پی کیماڑی نے بتایا ہے کہ گزشتہ روز 12 بجے سے 2 بچے اتحاد ٹاؤن سے لا پتہ تھے، گزشتہ روز سے ہی بچوں کو تلاش کیا جا رہا تھا۔
انہوں نے بتایا کہ آج اتحاد ٹاؤن کے ایک گیراج کی ڈگی میں دونوں بچوں کی موجودگی کی اطلاع ملی جس پر پولیس پہنچی تو دونوں بچے گاڑی کی ڈگی میں پائے گئے۔
ایس ایس پی کیماڑی نے بتایا کہ ایک بچہ جاں بحق ہو گیا جبکہ دوسرے بچے کی حالت تشویش ناک ہے۔
