5 سالہ پاکستانی بچے سفیان محسود نے بھارت کا گینیز ورلڈ ریکارڈ توڑ دیا

پاکستان کے 5 سالہ مارشل آرٹسٹ سفیان محسود نے بھارت کا گینیز ورلڈ ریکارڈ توڑ دیا۔

جنوبی وزیرستان سے تعلق رکھنے والے کم عمر مارشل آرٹسٹ سفیان محسود نے بھارت کا مشکل ترین ریکارڈ توڑ کر یہ اعزاز اپنے نام کر لیا جس کے بعد سفیان پاکستان کے کم عمر ورلڈ ریکارڈ ہولڈر بن گئے۔

سفیان محسود نے7.87 سیکنڈز میں فاسٹیسٹ ٹائم ٹو کلائمب اراؤنڈ اے پرسن کا ریکارڈ بنا لیا۔

عرفان محسود نے اٹلی کے کھلاڑی کے 2 ریکارڈز توڑ دیے

پاکستان کے مارشل آرٹس کھلاڑی عرفان محسود نے اٹلی کے مارسیلو فیری کے دو ریکارڈ توڑ دیے۔

اس سے قبل 9.78 سیکنڈز فاسٹیسٹ ٹائم ٹو کلائمب کا ریکارڈ بھارت کے گوکلناتھ اور ارجن پرییان کے پاس تھا۔

اس حوالے سے گفتگو کرتے ہوئے سفیان محسود نے کہا کہ بہت ہی مشکل اور چیلنجنگ ریکارڈ تھا، اس ریکارڈ کو کوالا چیلنج بھی کہا جاتا ہے جو کووڈ کے دوران کافی پاپولر ہو گیا تھا۔

واضح رہے کہ سفیان محسود 100 گینیز ورلڈ ریکارڈز بنانے والے عرفان محسود کے بیٹے ہیں۔