سندیپ ریڈی کے دعوے پر عادل حسین کا سخت رد عمل

اداکار عادل حسین اور ہدایتکار سندیپ ریڈی وانگا کے درمیان لفظی جنگ کا آغاز ہوگیا، سندیپ نے اپنے بیان میں کہا تھا کہ انہوں نے عادل حسین کو شہرت دلوائی جبکہ عادل نے اسے یکسر مسترد کردیا۔ 

یہ تنازع اس وقت شروع ہوا جب عادل نے فلم ’کبیر سنگھ‘ کا حصہ بننے پر شرمندگی کا اظہار کیا۔ سندیپ نے سوشل میڈیا پر ردعمل دیتے ہوئے دعویٰ کیا کہ انہوں نے عادل کو مشہور کیا۔

تاہم اپنے تازہ انٹرویو کے دوران عادل حسین نے سندیپ ریڈی وانگا کے دعوے پر جواب دیتے ہوئے کہا کہ اگر فلم ساز کو لگتا ہے کہ انہوں نے مجھے مشہور کیا، تو کیا آسکر ایوارڈ یافتہ انگ لی اور میرا نائر مجھ سے کم مشہور ہیں؟

فلم ’اینیمل‘ میں کام 200 کروڑ روپے میں بھی نہ کرتا: بھارتی اداکار عادل حسین

بھارتی سینئر اداکار عادل حسین فلم ’کبیر سنگھ‘ میں اپنے کردار پر افسوس کا اظہار کرتے ہوئے کہا ہے کہ اگر مجھے 100 یا 200 کروڑ روپے کی پیشکش بھی کی جاتی تو میں کبھی فلم ’اینیمل‘ میں کام نہیں کرتا۔

عادل حسین نے مزید کہا کہ انہیں اپنی غلطی کا احساس ہوا جب انہوں نے فلم کبیر سنگھ دیکھی اور پتہ چلا کہ فلم کی کہانی پڑھے بغیر انہوں نے بڑی غلطی کردی۔ 

اداکار نے کہا کہ ’میرے پاس یہ حق ہے کہ میں ان فلموں پر تنقید کروں جو خواتین کے خلاف تشدد اور نفرت کو ہوا دیتی ہیں۔‘

انہوں نے کہا کہ سنیما ایک طاقتور ذریعہ ہے جو معاشرے پر گہرا اثر ڈال سکتا ہے اور ایسے ملک میں جہاں لوگ ہیروز کے مجسمے بنا کر ان کی پوجا کرتے ہوں، فلمسازوں کو اس بات کا خیال رکھنا چاہیے کہ وہ کون سی فلمیں بنانا چاہتے ہیں۔