کوئٹہ: فاطمہ جناح اسپتال میں داخل مریض میں کانگو کی تصدیق

صوبۂ بلوچستان کے دارالخلافہ کوئٹہ میں واقع فاطمہ جناح اسپتال میں داخل مریض میں کانگو وائرس کی تصدیق ہوئی ہے۔

فاطمہ جناح اسپتال کی انتظامیہ کے مطابق 14 سال کے مریض کا تعلق کوئٹہ سے ہے جسے گزشتہ روز اسپتال لایا گیا تھا۔

اسپتال انتظامیہ کا کہنا ہے کہ بلوچستان میں رواں سال کانگو وائرس کے 30 مریضوں کو اسپتال لایا گیا ہے۔

کراچی اور بلوچستان میں مارچ سے اگست تک کانگو وائرس کے 14 کیسز سامنے آگئے

بلوچستان سے آنے والے 5 مریضوں کو کراچی کے مختلف اسپتالوں میں طبی امداد دی گئی۔

محکمۂ صحت بلوچستان کے انچارج لیبارٹری کا کہنا ہے کہ بلوچستان میں رواں سال 30 مریضوں میں کانگو وائرس کی تشخیص ہوئی ہے۔

اسپتال انتظامیہ کے مطابق رواں سال کانگو وائرس سے متاثرہ 5 مریضوں کا انتقال ہوا ہے۔