ایران بس حادثہ، میتوں اور زخمیوں کو آج پاکستان لایا جائے گا

ایران میں بس کو پیش آنے والے حادثے میں جاں بحق اور زخمی پاکستانی زائرین کو آج پاکستان لایا جائے گا۔

ڈی سی سکھر کے مطابق 28 میتوں اور 25 زخمی افراد کو سی ون تھرٹی طیارے کے ذریعے آج شام سکھر پہنچایا جائے گا، ایئرپورٹ پر تیاری مکمل ہے جبکہ 53 ایمبولینس بھی پہنچ چکی ہیں۔

ڈی سی سکھر کا کہنا ہے کہ 10 میتیں لاڑکانہ، 6 کشمور، 4 خیر پور، 3 کراچی، 3 قمبر شہداد کوٹ، ایک دادو اور ایک میت جامشورو روانہ کی جائے گی۔

ایران بس حادثہ، میتیں جتنی جلدی ممکن ہوا بھجوائیں گے: پاکستانی سفیر

ایران میں پاکستان کے سفیر مدثر ٹیپو کا کہنا ہے کہ یزد حادثے میں جاں بحق ہونے والوں کی میتیں جتنی جلدی ممکن ہوا واپس بھیجیں گے۔

اسی طرح 8 زخمی فراد کا لاڑکانہ، 5 قمبر کا شہداد کوٹ، 4 کا خیرپور، 3 کا دادو سے تعلق ہے۔

ڈی سی سکھر کے مطابق زخمیوں میں جامشورو، شکارپور، کراچی، مٹیاری اور جھل مگسی کا ایک ایک فرد شامل ہے۔

شہداء کی میتیں لانے کے تمام انتظامات مکمل ہیں: ناصر حسین شاہ

ناصر حسین شاہ نے کہا ہے کہ ایران بس حادثے کے شہداء کی میتیں وطن لانے کے لیے تمام انتظامات مکمل ہیں، سی 130 جہاز کو ایران سے میتوں اور زخمیوں کو لانے کے لیے بھیج دیا ہے۔

ان کا یہ بھی کہنا ہے کہ طیارہ سکھر لینڈ کرے گا یا جیکب آباد، سہولتوں کے حساب سے فیصلہ کیا جائے گا۔