فرمان الہی
نماز کے اوقات
بالی ووڈ کے اداکار اور فلمساز فرحان اختر نے حال ہی میں اپنے بچپن کے ان مشکل دنوں کو یاد کیا جب ان کے والد جاوید اختر نے اداکارہ شبانہ اعظمی سے دوسری شادی کی۔
فرحان اختر نے حال ہی میں اس حوالے سے گفتگو کرتے اعتراف کیا کہ والد کی جانب سے ایسا کرنے پر وہ ان سے سخت ناراض ہوئے اور سمجھتے تھے کہ والد نے دھوکا کیا ہے۔
بالی ووڈ اداکار نے کہا کہ انھیں والد کے ساتھ نارمل ہونے میں وقت لگا اور نارمل کرنے میں اہم کردار شبانہ اعظمی نے ہی ادا کیا تھا۔
انھوں نے یہ اعتراف پرائم ویڈیو ڈاکیومینٹری اینگری ینگ مین کی ایک قسط میں گفتگو کے دوران کیا۔
اس دستاویزی پروگرام میں 1970 کے عشرے کے ہندی سنیما کے لیجنڈری اسکرین رائٹرز سلیم خان اور جاوید اختر کی فنی و ذاتی زندگیوں کا احاطہ کیا گیا ہے۔
واضح رہے کہ شو کی آخری قسط میں جاوید اختر نے اپنی پہلی اہلیہ ہنی خان کے حوالے سے اپنی غلطی کے احساس کا ذکر کیا تھا اور کہا تھا کہ ہنی دنیا میں واحد فرد ہیں جن کے حوالے سے مجھے اپنی غلطی کا احساس ہے۔
انکا کہنا تھا کہ اس غلطی کی 67 فیصد ذمہ داری وہ اپنے کاندھوں پر سمجھتے ہیں۔
