مسجدِ اقصیٰ سے متعلق اسرائیلی وزیر کے بیان پر سعودیہ کی مذمت

مسجد اقصیٰ میں یہودیوں کی عبادت گاہ سے متعلق اسرائیلی وزیر کے بیان پر سعودی عرب کی جانب سے مذمت کی گئی ہے۔

اس حوالے سے سعودی وزارت خارجہ کا کہنا ہے کہ شدت پسندی پر مبنی اسرائیلی بیان مسترد کرتے ہیں، مسجد اقصیٰ کی تاریخی اور قانونی حیثیت کا احترام کیا جائے۔

اسرائیلی وزیر کا بیان عالم اسلام کیلئے لمحۂ فکریہ ہے: طاہر محمود اشرفی

پاکستان علماء کونسل کے مرکزی چیئرمین حافظ طاہر محمود اشرفی نے کہا ہے کہ اسرائیلی وزیر اتمار بِن گویر کا بیان پورے عالم اسلام اور امن چاہنے والوں کے لیے لمحۂ فکریہ ہے۔

سعودی وزارت خارجہ نے کہا کہ عالمی برادری فلسطینی عوام کو درپیش انسانی المیے کی روک تھام کرے۔

سعودی عرب کا کہنا ہے کہ عالمی قوانین اور قرار دادوں کی خلاف ورزیوں پر اسرائیل کو جوابدہ ٹھہرانے کے لیے سنجیدہ کوششیں کی جائیں۔