فرمان الہی
نماز کے اوقات
لاہور ہائی کورٹ راولپنڈی بینچ نے سابق ڈپٹی سپرنٹنڈنٹ محمد اکرم کی فیملی کی حفاظت کو یقینی بنانے کی ہدایت کردی جبکہ سی پی او راولپنڈی نے محمد اکرم کی بازیابی کےلیے 14 روز کی مہلت مانگ لی۔
لاہور ہائی کورٹ راولپنڈی بینچ میں سابق ڈپٹی سپرنٹنڈنٹ محمد اکرم کی بازیابی سے متعلق دائر درخواست پر سماعت ہوئی۔
وکیل درخواست گزار نے عدالت کو بتایا کہ صبح 25 افراد مختلف اداروں کے یونیفارم میں گھر میں داخل ہوئے اور اڈیالہ جیل کے اندر سرکاری رہائش گاہ کی تلاشی لی۔
عدالت نے ریمارکس دیے کہ یہ کافی سنگین الزام لگا رہے ہیں۔
عدالت نے ہدایت کی کہ محمداکرم کی فیملی کی حفاظت کو یقینی بنایا جائے۔
عدالت نے ریمارکس دیے کہ ہر کسی کو اپنا کردار ادا کرنا ہے، مسنگ ایشو کافی الارمنگ ہو چکا ہے، پتہ چلتا ہے کہ بندہ یہاں مسنگ ہے، لیکن افغانستان بیٹھا ہوا ہے۔
سی پی او راولپنڈی نے محمد اکرم کی بازیابی کےلیے 14 روز کی مہلت مانگ لی۔
عدالت نے کیس کی مزید سماعت 10 ستمبر تک ملتوی کردی۔
