’ایمرجنسی‘ پر تنقید، فلمساز ورون گروور کنگنا کے حق میں بول پڑے

اداکارہ کنگنا رناوت کی ریلیز کے مراحل میں موجود فلم ایمرجنسی کو جہاں فلمی دنیا اور دیگر حلقوں کی جانب سے تنقید کا نشانہ بنایا جارہا ہے وہیں فلمساز ورون گروور ان کے حق میں سامنے آگئے۔ 

فلم ’ایمرجنسی‘ پر بڑھتی ہوئی تنقید اور ریلیز کے حوالے سے پائی جانے والی غیر یقینی صورتحال کے باوجود، فلمساز ورون گروور نے فلم کی حمایت کا اظہار کیا ہے۔ ان کا کہنا ہے کہ یہ انتہائی افسوسناک ہے ایمرجنسی کے واقعات پر مبنی فلم کو روکنے کی کوششیں کی جا رہی ہیں۔

فلم پہلے گزشتہ برس نومبر میں ریلیز کےلیے رکھی گئی تھی پھر اسکی تاریخ کو بڑھا کر 6 ستمبر 2024 رکھا گیا جسے اب ریلیز سے چند دن قبل پھر تبدیل کرتے ہوئے آگے بڑھا دیا گیا۔

کنگنا رناوت کی متنازع بالی وڈ فلم ’ایمرجنسی‘ کی ریلیز ملتوی

بالی ووڈ کی اداکارہ و سیاستدان کنگنا رناوت کی متنازع فلم ’ایمرجنسی‘ بھارتی سینسر بورڈ سے گرین سگنل نہ ملنے کے باعث تاخیر کا شکار ہو گئی۔

اس دوران فلم کو مختلف سکھ تنظیموں کی جانب سے کمیونٹی کی تصویر کشی پر تنقید کا سامنا ہے اور فلم کو اب بھی سینٹرل بورڈ آف فلم سرٹیفکیشن (سی بی ایف سی) سے منظوری کا انتظار ہے۔

فلمساز ورون گروور نے سوشل میڈیا پر اپنے خیالات کا اظہار کرتے ہوئے زور دیا کہ سنسرشپ کسی بھی معاشرے کےلیے صحیح نہیں۔

انہوں نے کہا کہ ’سنسرشپ کبھی درست نہیں ہوتی، چاہے وہ انفرادی اظہار کی ہو یا کسی بھی فن پارے کی۔ یہ انتہائی افسوسناک اور ستم ظریفی ہے کہ ایمرجنسی پر مبنی ایک فلم کو روکا جا رہا ہے۔‘

کنگنا رناوت نے راہول گاندھی کو کارٹون دیکھنے والا بچہ قرار دے دیا

حال ہی میں مشہور ٹیلی ویژن شو

ورون نے مزید کہا کہ ’فلم بنانا ایک بڑا عمل ہے اور ہم خوفزدہ لوگوں کو فلم کی بےجا کٹوتی کی اجازت دے دیتے ہیں۔‘

واضح رہے کہ کنگنا رناوت نے بھی کچھ روز قبل فلم انڈسٹری پر تنقید کی تھی کہ وہ ان کی فلم ’ایمرجنسی‘ کے بارے میں بات نہیں کر رہے ہیں۔