پی ٹی آئی جلسہ، خیبر پختونخوا کی ریسکیو گاڑیوں پر اسٹیکر لگادیے گئے

پاکستان تحریک انصاف (پی ٹی آئی) کے اسلام آباد جلسے کیلئے خیبر پختونخوا کی ریسکیو 1122 کی گاڑیوں پر سفید اسٹیکر لگادیے گئے۔

پی ٹی آئی کے اسلام آباد میں جلسے کےلیے خیبر پختونخوا کی ریسکیو 1122 کی ایمبولینس گاڑیوں کو تیار کرلیا گیا۔

جلسے کےلیے ایمبولینس پر لکھے الفاظ ’ریسکیو 1122‘ کو سفید اسٹیکر لگا کر چُھپا دیا گیا ہے، تصاویر میں دیکھا جاسکتا ہے کہ ریسکیو ایمبولینسز اور فائر وہیکلز موجود ہیں۔

 ذرائع کے مطابق یہ گاڑیاں صوابی پہنچائی جارہی ہیں، گاڑیوں میں ریسکیو، ایمبولنیسز اور فائر وہیکلز موجود ہیں۔

 ریسکیو حکام نے رابطہ کرنے پر بتایا کہ گاڑیوں پر اسٹیکرز لگانا کوئی بڑی بات نہیں، پی ٹی آئی جلسے میں ریسکیو کی گاڑیاں ایمرجنسی میں استعمال کی جائیں گی۔