رشمیکا مندانا نے سوشل میڈیا سے دوری کی وجہ بتادی، ایکسیڈنٹ کے باعث آرام کر رہی تھی، اداکارہ

بھارتی اداکارہ رشمیکا مندانا نے سوشل میڈیا سے اپنی دوری کی وجہ بتا دی، انھوں نے اس حوالے سے انکشاف کیا کہ انکا گزشتہ ماہ معمولی نوعیت کا ایک ایکسیڈنٹ ہوا تھا، لیکن اب وہ بہتر ہیں اور ڈاکٹروں کی ہدایت پر آرام کر رہی ہیں۔

پیر کو تیلگو، کناڈا اور ہندی فلموں کی اداکارہ نے اپنی صحت کے حوالے سے پرستاروں کو تازہ ترین صورتحال سے آگاہ  کرنے کےلیے اپنے انسٹاگرام اور ایکس (سابق ٹوئٹر) پر حادثے کا تو بتایا، لیکن اسکی تفصیلات نہیں بتائیں۔

جنوبی بھارتی ریاست کرناٹک سے تعلق رکھنے والی 28 سالہ رشمیکا کا کہنا تھا کہ اب وہ کافی بہتر ہوگئی ہیں۔

انھوں نے ساتھ ہی اپنی ایک تصویر بھی شیئر کی ہے جس میں انھوں نے چشمہ لگا رکھا ہے۔