باہوبلی 2 کے بعد استری 2 نے شاہ رخ کی پٹھان کو بھی مات دے دی

شردھا کپور اور راجکمار راؤ کی فلم اسٹری 2 نے باکس آفس پر بڑی کامیابی حاصل کرتے ہوئے شاہ رخ خان کی فلم پٹھان کا ریکارڈ توڑ دیا۔

امَر کوشک کی اس ہارر-کامیڈی نے محض ایک دن پہلے ’باہوبلی 2‘ کے ہندی ورژن کا ریکارڈ توڑا تھا اور اب یہ بھارت کی دوسری سب سے زیادہ کمائی کرنے والی ہندی فلم بن گئی اور ’پٹھان‘ کو بھی پیچھے چھوڑ دیا۔

بھارتی میڈیا رپورٹ کے مطابق ’استری 2‘ کی ہفتے تک مجموعی باکس آفس کمائی 516.25 کروڑ تک پہنچی جس نے ’باہوبلی 2‘ کو پیچھے چھوڑتے ہوئے بھارت میں تیسری بڑی ہندی فلم کا اعزاز حاصل کیا تھا۔

شردھا اور راج کمار راؤ کی استری 2 نے باہو بلی 2 کو پیچھے چھوڑ دیا

اداکارہ شردھا کپور اور راج کمار راؤ کی فلم اسٹری 2 نے باکس آفس کی ریس جیت لی ہے اور اس فلم نے بھائوبلی ٹو کا ریکارڈ بھی توڑ دیا ہے۔

تاہم اتوار کے دن فلم نے مزید 10 کروڑ کما کر اپنی مجموعی کمائی کو 527 کروڑ تک پہنچا دیا اور اس طرح شاہ رخ خان کی ’پٹھان‘ (524.53 کروڑ) کو پیچھے چھوڑتے ہوئے دوسری سب سے بڑی ہندی فلم بن گئی۔

واضح رہے کہ ’استری 2‘ 2018 کی کامیاب فلم ’استری‘ کا سیکوئل ہے، جسے امَر کوشک نے ڈائریکٹ کیا اور دنیش ویجان کی مادوک فلمز نے پروڈیوس کیا ہے۔

فلم میں پنکج تریپاتھی، ابھیشیک بنرجی، اپرشکتی کھرانا اور تمنا بھاٹیا بھی شامل ہیں۔