• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جج کیخلاف مہم کا الزام، عمران ریاض خان سمیت 8 افراد پر مقدمہ درج

تازہ ترین
قومی خبریں
12 ستمبر ، 2024


جج کے خلاف سوشل میڈیا پر مہم چلانے کے الزام میں عمران ریاض خان سمیت 8 افراد کے خلاف ایف آئی اے سائبر کرائم میں مقدمہ درج کرلیا گیا۔

 یہ مقدمہ جج کے بھتیجے احمد صدیق کی مدعیت میں پیکا ایکٹ کے تحت درج کیا گیا ہے۔ مقدمے میں مشیر اینٹی کرپشن خیبر پختونخوا مصدق عباسی بھی نامزد کیے گئے ہیں۔

 ایف آئی آر میں احمد صدیق نے کہا کہ ملزمان نے سوشل میڈیا پر ان کے چچا کے خلاف منفی بیانیہ بنایا۔ ان کے چچا عدلیہ کے رکن ہیں جن پر کرپشن کے بے بنیاد الزمات لگائے گئے ہیں۔

 ایف آئی آر میں مجاہد علی شاہ، اللّٰہ نواز،سہیل احمد،عمرصدیق،صدیق انجم اورطارق سلیم بھی نامزد ہیں۔

قومی خبریں سے مزید