آئینی ترمیم کا معاملہ خصوصی پارلیمانی کمیٹی میں جانے کا امکان، پارلیمانی ذرائع

 آئینی ترمیم کا معاملہ خصوصی پارلیمانی کمیٹی میں جانے کا امکان ہے۔

آئینی ترامیم کی بازگشت میں قومی اسمبلی اور سینیٹ کے اجلاس اتوار تک ملتوی کردیے گئے،  قومی اسمبلی اتوار دن ساڑھے گیارہ اور سینیٹ اجلاس شام  4 بجے ہوگا۔

وفاقی حکومت نے آئینی مقدمات کیلئے علیحدہ آئینی عدالت کے قیام کا خاکہ پیش کردیا

اسحاق ڈار نے کہا ہے کہ میثاق جمہوریت میں آئینی عدالت کے قیام پر اتفاق کیا گیا تھا، اگر ہم آج اٹھارہ سال بعد یہ کام کرسکتے ہیں تو کیوں نہ کریں؟

پارلیمانی ذرائع کا کہنا ہے کہ آئینی ترمیم کا معاملہ خصوصی پارلیمانی کمیٹی میں جانے کا امکان ہے، اسپیکر قومی اسمبلی کی بنائی گئی خصوصی کمیٹی میں سینیٹ ارکان کو شامل کرنے کا بھی امکان ہے، چیئرمین سینیٹ یوسف رضا گیلانی نے اپوزیشن لیڈر سے نام مانگ لیے۔

نائب وزیراعظم اسحاق ڈار کا سینیٹ میں اظہار خیال کرتے ہوئے کہنا تھا کہ پارلیمانی کمیٹی میں آئینی ترامیم پر کافی باتیں شیئر کی جا چکیں، میثاق جمہوریت کے 18سال بعد آئینی عدالت بنا رہے ہیں تو کیا برا ہے؟

اسحاق ڈار نے آئین کے آرٹیکل 63 اے کی وضاحت کے لیے آئینی ترمیم کا بھی عندیہ دے دیا۔