ماہرہ خان نے بیٹے کے ہمراہ تصویر شیئر کر دی

پاکستان شوبز انڈسٹری سے وابستہ عالمی شہرت یافتہ سُپر اسٹار اداکارہ ماہرہ خان نے اپنے بیٹے کے ہمراہ خوبصورت و یادگار تصویر شیئر کر دی۔

فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے اسپتال کے کمرے سے ایک خوبصورت تصویر شیئر کی ہے۔

مذکورہ تصویر میں انہیں اپنے اکلوتے بیٹے اذلان کے ہمراہ دیکھا جاسکتا ہے، انہوں نے یہ تصویر اذلان کی سالگرہ کے موقع پر شیئر کی ہے۔

پوسٹ کے کیپشن میں انہوں نے لکھا کہ 24 برس کی عمر میں اپنی پوری دنیا کو دیکھتے ہوئے، جس کی نظریں مجھ پر ٹکی ہیں، صرف میرا ایک اذلان، (09 – 09 – 15)۔

اداکارہ نے اپنے بیٹے سمیت تمام بچوں کے حق میں دعا کرتے ہوئے لکھا کہ اللّٰہ میرے اذلان اور تمام بچوں کو سلامت رکھے، انہیں خوش و خرم، صحت مند اور لمبی زندگی عطا فرمائے۔ وہ صحیح راستے کا انتخاب کریں۔ وہ ہمیشہ شر سے محفوظ رہیں۔ آمین آمین۔ جیسا کہ میری امی کہتی ہیں، ساری ماؤں کے دل ٹھنڈے رکھ یا رب۔ آمین انشاء اللّٰہ۔

ماہرہ خان کا بیٹے اذلان کے نام جذباتی پیغام

گزشتہ برس دوسری بار شادی کے بندھن میں بندھنے والی پاکستانی سُپر اسٹار ماہرہ خان نے اپنے بیٹے اذلان خان کے نام جذؓاتی پیغام شیئر کر دیا۔

واضح رہے کہ ماہرہ خان اور ان کے سابق شوہر علی عسکری نے 2007ء میں شادی کی تھی۔ ان کے بیٹے اذلان خان کی پیدائش 2009ء میں ہوئی تھی۔ 

ماہرہ خان اور علی عسکری نے 2015ء میں راہیں جدا کر لی تھیں، تاہم گزشتہ برس ماہرہ خان نے کاروباری شخص سلیم کریم سے دوسری شادی کی ہے۔