پیجر دھماکوں کی منظوری اسرائیلی وزیراعظم نے دی، روسی میڈیا

روسی میڈیا نے دعویٰ کیا ہے کہ حزب اللّٰہ کے افراد کو نشانہ بنانے کے لیے پیجر دھماکوں کی منظوری اسرائیلی وزیراعظم نے خصوصی اجلاس میں دی تھی جس کا مقصد کارروائیوں کو نئے مرحلے میں داخل کرنا تھا۔ 

روسی میڈیا کے مطابق اسرائیلی وزیراعظم نیتن یاہو نے وزرا اور سیکیورٹی سروسز کے سربراہوں کی اسی ہفتے میٹنگ میں کارروائی کی منظوری دی تھی۔ 

دھماکوں میں لبنانی وزیر کے بیٹے سمیت 11 افراد شہید اور 4 ہزار کے قریب زخمی ہوئے ہیں جن میں سے 2 سو کی حالت تشویشناک ہے جبکہ زخمی ایرانی سفیر مجتبی عمانی کے بارے میں انکی اہلیہ نے واضح کیا ہے انکی طبعیت ٹھیک ہے۔

حسن نصراللّٰہ نے ڈیوائسز دھماکوں سے پہلے ہی خبردار کردیا تھا، رپورٹ

لبنان میں اسرائیل نے جدید ٹیکنالوجی کا استعمال کرتے ہوئے جیبوں میں موجود پیجر ڈیوائس کو ہیک کرکے دھماکے سے اڑادیا جس کے سبب سیکڑوں حزب اللہ ارکان زخمی ہوگئے۔

لبنانی حکومت اور ایران نے بھی ان سائبر حملوں کی زمہ داری اسرائیل ہی پر عائد کی تھی جبکہ حزب اللّٰہ نے انتقامی کارروائی کی دھمکی ہے۔ 

لبنانی میڈیا کا کہنا ہے کہ پیجر دھماکوں سے 9 افراد شہید ہوئے ہیں جن میں حزب اللّٰہ کے رکن اسمبلی علی عمار کا بیٹا بھی شامل ہے جبکہ 28 سو افراد زخمی ہوئے ہیں۔

اسرائیلی میڈیا کا دعویٰ ہے کہ شام میں پیجر دھماکوں سے بھی سات افراد مارے گئے ہیں۔