فرمان الہی
نماز کے اوقات
وزیرِ خارجہ اسحاق ڈار کی بطور ڈپٹی وزیرِاعظم تقرری کے خلاف سندھ ہائی کورٹ میں درخواست کی سماعت ہوئی۔
عدالت نے کہا کہ پہلے عدالت کو مطمئن کریں پھر آگے کارروائی بڑھائیں گے، دستاویز سے قبل عدالت نوٹس جاری نہیں کرے گی۔
چیف جسٹس سندھ ہائی کورٹ نے کہا کہ پرویز الہیٰ کی بطور ڈپٹی وزیرِ اعظم تقرری کا نوٹیفکیشن اور اس تقرری پر عدالتی فیصلہ کہاں ہے؟
عدالت میں درخواست گزار کے وکیل نے کہا کہ کابینہ ڈویژن کو گزٹ نوٹیفکیشن کا لکھا ہے، ملتے ہی پیش کر دیں گے۔
سندھ ہائی کورٹ نے درخواست کی مزید سماعت 2 ہفتوں کے لیے ملتوی کر دی۔
یاد رہے کہ پیپلز پارٹی کے دورِ حکومت میں چوہدری پرویز الہٰی 25 جون 2012ء سے 16 مارچ 2013ء تک ڈپٹی وزیرِاعظم کے عہدے پر فائز رہ چکے ہیں۔
