مخصوص نشستوں کا کیس، پی ٹی آئی کا مزید وضاحت کیلئے سپریم کورٹ سے رجوع

مخصوص نشستوں کے کیس میں پاکستان تحریکِ انصاف (پی ٹی آئی) نے مزید وضاحت کے لیے سپریم کورٹ سے رجوع کر لیا۔

چیئرمین پی ٹی آئی بیرسٹر گوہر نے عزیر کرامت کے ذریعے درخواست سپریم کورٹ میں دائر کر دی۔

درخواست میں مؤقف اپنایا گیا ہے کہ عدالت واضح کرے کہ الیکشن ایکٹ میں ترمیم کا اطلاق 12 جولائی کے آرڈر پر نہیں ہوتا، الیکشن ترمیمی ایکٹ 2024ء 12 جولائی کے مختصر فیصلے پر اثر انداز نہیں ہوتا۔

چیئرمین پی ٹی آئی کی جانب سے دائر کی گئی درخواست میں کہا گیا ہے کہ اسپیکر قومی اسمبلی اور اسپیکر پنجاب اسمبلی کے الیکشن کمیشن کو خطوط درست قانونی پوزیشن واضح نہیں کرتے، دونوں اسمبلیوں کے اسپیکروں کے خطوط کا 12 جولائی کے مختصر فیصلے پر کوئی اثر نہیں پڑتا۔

مخصوص نشستوں کا معاملہ، ن لیگی ارکان اسمبلی کا الیکشن کمیشن سے رجوع

مخصوص نشستوں کے معاملے پر مسلم لیگ ن کے ارکان اسمبلی نے الیکشن کمیشن سے رجوع کر لیا۔

درخواست میں کہا گیا ہے کہ دونوں اسمبلیوں کے اسپیکروں کے خطوط الیکشن کمیشن کی جانب سے نظر انداز کیے جانے چاہئیں، 14 ستمبر کے وضاحتی حکم نامے کی روشنی میں الیکشن کمیشن 12 جولائی کے مختصر فیصلے پر عملدرآمد کا پابند ہے۔

بیرسٹر گوہر کی جانب سے درخواست میں استدعا کی گئی ہے کہ معاملے کے زیرِ التواء ہونے تک الیکشن کمیشن کو کسی بھی جماعت کو مخصوص نشستیں الاٹ کرنے سے روکا جائے، سپریم کورٹ کی جانب سے ان تمام پہلوؤں کی وضاحت جاری کی جائے۔