جویریہ عباسی کے دوسرے نکاح میں کس کس نے شرکت کی تھی؟

پاکستانی معروف سینئر اداکارہ جویریہ عباسی نے اپنے دوسرے نکاح کی تقریب کی مزید تصویریں شیئر کی ہیں۔

جویریہ عباسی کے نکاح کی نئی تصویروں میں دیکھا جا سکتا ہے کہ سادگی سے منعقد کی گئی اس تقریب میں اداکارہ اُشنا شاہ اور اداکارہ انوشے عباسی نے بھی شرکت کی تھی۔

نئی تصاویر میں جویریہ عباسی کی فیملی کے بھی متعدد افراد کو دیکھا جا سکتا ہے۔

ان تصاویر کی قابلِ ذکر بات یہ ہے کہ ان میں جویریہ کے ہمراہ اُن کی بیٹی، اداکارہ و ماڈل عنزیلہ عباسی بھی موجود ہیں۔

جویریہ عباسی کے نکاح کی ساڑھے 5 ماہ بعد تصاویر سامنے آ گئیں

پاکستان شوبز انڈسٹری سے وابستہ اداکارہ جویریہ عباسی نے دوسری شادی کے تقریباً ساڑھے 5 ماہ بعد نکاح کی خوبصورت و دلکش تصاویر شیئر کر دیں۔

اس سے قبل اپ لوڈ کی گئی پوسٹ میں جویریہ عباسی نے صرف اپنی تصاویر ہی مداحوں کے ساتھ شیئر کی تھیں جبکہ اس نئی پوسٹ میں اداکارہ جویریہ اور اُن کے دوسرے شوہر کا ہاتھ اور ان میں خوبصورت انگوٹھیوں کو بھی دیکھا جا سکتا ہے۔

اداکارہ جویریہ عباسی نے اپنی پوسٹ کے کیپشن میں لکھا ہے کہ اور اس طرح ایک پریوں کی کہانی میرے پیاروں کے ساتھ شروع ہوتی ہے۔

واضح رہے کہ جویریہ عباسی کی پہلی شادی 1997ء میں اداکار شمعون عباسی سے ہوئی تھی۔

ان کی ایک بیٹی عنزیلہ عباسی ہے، جس کی شادی انہوں نے گزشتہ برس کی ہے۔

عنزیلہ عباسی رشتۂ ازدواج میں منسلک، شادی و ولیمہ کی تصاویر وائرل

پاکستان شوبز اندسٹری کے سینئر اداکار شمعون عباسی اور جویریہ عباسی کی صاحبزادی اداکارہ عنزیلہ عباسی رشتہ ازدواج میں منسلک ہوگئی، ان کی شادی و ولیمہ کی تصاویر سوشل میڈیا پر وائرل ہوگئی۔

شادی کے 12 برس بعد 2009ء میں اس جوڑی کی طلاق ہو گئی تھی۔

جویریہ عباسی نے رواں سال 5 مئی کو اپنی منگنی کا اعلان کیا تھا۔

انہوں نے فرانس کے دارالحکومت پیرس کے ایفل ٹاور سے انگوٹھی پہننے کی تصویر شیئر کرتے ہوئے نئی زندگی کی شروعات کا عندیہ دیا تھا اور اب انہوں نے شادی کی تصدیق کر دی ہے۔