صہیونی مجرم حزب اللّٰہ کو نقصان پہنچانے کیلئے بہت معمولی ہیں: خامنہ ای

ایران کے سپریم لیڈر آیت اللّٰہ خامنہ ای نے کہا ہے کہ صہیونی مجرم جان لیں کہ وہ حزب اللّٰہ کو کوئی بڑا نقصان پہنچانے کے لیے بہت ہی معمولی ہیں۔

اپنے بیان میں آیت اللّٰہ خامنہ ای نے کہا ہے کہ صہیونی حکومت کے حکمراں دہشت گرد گروہ نے غزہ میں جاری مجرمانہ جنگ سے کوئی سبق نہیں سیکھا۔

ایرانی سپریم لیڈر آیت اللّٰہ خامنہ ای محفوظ مقام پر منتقل

ایرانی سپریم لیڈر آیت اللّٰہ خامنہ ای کو محفوظ مقام پر منتقل کردیا گیا۔

انہوں نے کہا ہے کہ خطے کی تمام مزاحمتی قوتیں شانہ بشانہ کھڑی ہیں اور حزب اللّٰہ کی حمایت کرتی ہیں، خطے کی تقدیر کا تعین مزاحمتی قوتوں کے ذریعے کیا جائے گا، حزب اللّٰہ سب سے آگے ہے۔

آیت اللّٰہ خامنہ ای نے یہ بھی کہا کہ خدا کے فضل سے لبنان حملہ آور، شریر اور بدنام دشمن کو اپنے اعمال پر نادم کرے گا، تمام مسلمانوں پر فرض ہے کہ وہ لبنان کے لوگوں اور حزب اللّٰہ کے ساتھ کھڑے ہوں اور مدد کریں۔