امریکی صدر جو بائیڈن نے حسن نصر اللّٰہ کی شہادت کو منصفانہ اقدام قرار دیدیا

28 ستمبر ، 2024

امریکی صدر جو بائیڈن نے لبنانی مزاحمتی تنظیم حزب اللّٰہ کے سربراہ حسن نصر اللّٰہ کی اسرائیلی حملے میں شہادت پر ردعمل دیا اور کہا کہ اب غزہ اور لبنان میں جنگ بندی ہونی چاہیے۔

واشنگٹن سے جاری بیان میں امریکی صدر نے کہا کہ اسرائیلی حملے سے حسن نصر اللّٰہ کا اختتام منصفانہ اقدام ہے، حزب اللّٰہ کے سربراہ کے مرنے کے بعد انصاف کا عمل پورا ہوگیا۔

انہوں نے کہا کہ یہ ہزاروں امریکیوں، اسرائیلیوں اور لبنانی شہریوں کےلیے انصاف کا ایک اقدام ہے، اب غزہ اور لبنان میں جنگ بندی ہونی چاہیے۔

جو بائیڈن نے مزید کہا کہ اسرائیل کے حق دفاع کی مکمل حمایت کرتے ہیں، حزب اللّٰہ، حماس، حوثیوں اور ایرانی حمایت یافتہ گروہوں کے خلاف اسرائیل کی حمایت کرتے ہیں۔

اُن کا کہنا تھا کہ وزیر دفاع کو مشرق وسطیٰ میں امریکی فوجی دفاعی پوزیشن مزید بہتر بنانے کا کہا ہے، جارحیت روکنے اور جنگ کےخطرات کم کرنے کو امریکی پوزیشن بہتر بنانے کی ہدایت کی۔

امریکی صدر نے یہ بھی کہا کہ ہمارا مقصد غزہ اور لبنان دونوں میں جاری تنازعات کو سفارتی ذرائع سے کم کرنا ہے۔

بین الاقوامی خبریں سے مزید