پی ٹی آئی کارکنان کے جسمانی ریمانڈ کے مقدمے میں نامزد 4 بچوں کو جیل بھیج دیا گیا

انسداد دہشتگردی عدالت راولپنڈی نے پاکستان تحریک انصاف (پی ٹی آئی) کارکنان کے جسمانی ریمانڈ پر محفوظ فیصلہ سنا دیا۔

عدالت نے مقدمے میں نامزد 4 بچوں کو جوڈیشل ریمانڈ پر جیل بھیج دیا، 80 سالہ روشن بی بی سمیت7 خواتین کو مقدمے سے ڈسچارج کر دیا گیا۔

علی امین گنڈاپور کا قافلہ راولپنڈی نہ پہنچ سکا، واپس پشاور روانہ ہوگئے

وزیر اعلیٰ خیبر پختونخوا علی امین گنڈا پور کا قافلہ راولپنڈی نہیں پہنچ سکا، برہان انٹر چینج سے پشاور واپس روانہ ہوگیا۔

محفوظ فیصلہ انسداد دہشتگردی عدالت کے جج امجد علی شاہ نے سنایا،   کارکنان کو 28 ستمبر کو لیاقت باغ سے احتجاج کے دوران گرفتار کیا گیا تھا۔

آزاد کشمیر اسمبلی کے اپوزیشن لیڈر خواجہ فاروق کو مقدمے  سے ڈسچارج کردیا گیا، جبکہ سمابیہ طاہر کو 4 روزہ جسمانی ریمانڈ پر پولیس کی تحویل میں دے دیا گیا۔