سرباز خان کا کارنامہ، 8 ہزار میٹر سے بلند دنیا کی تمام 14 چوٹیاں سر کر لیں

04 اکتوبر ، 2024

پاکستانی کوہ پیماء سرباز خان نے ملکی کوہ پیمائی کی تاریخ میں ایک نیا باب رقم کر دیا ہے۔

سرباز خان وہ پہلے پاکستانی بن گئے ہیں جنہوں نے 8 ہزار میٹر سے بلند دنیا کی تمام 14 چوٹیوں کو سر کر لیا ہے، جو کہ ایک غیر معمولی کارنامہ ہے۔

تازہ ترین کامیابی میں سرباز علی نے 8027 میٹر بلند شیشا پنگما چوٹی کو سر کر لیا، جو ان کی 14 ویں ایٹ تھاؤزنڈر چوٹی ہے۔

اس چوٹی کو سر کرنے کے بعد وہ دنیا کے ان چند کوہ پیماؤں میں شامل ہو گئے ہیں جنہوں نے یہ اعزاز حاصل کیا ہے۔

سرباز خان کا یہ سفر 2017ء میں نانگا پربت کی چوٹی سر کرنے سے شروع ہوا تھا اور اس کے بعد انہوں نے کے 2، لوٹسے، ایوریسٹ سمیت دنیا کی خطرناک ترین چوٹیوں کو سر کیا۔

اہم بات یہ ہے کہ سرباز خان نے ان چوٹیوں میں سے 11 کو بغیر مصنوعی آکسیجن کے سر کیا، جو ایک انتہائی مشکل اور خطرناک کارنامہ سمجھا جاتا ہے۔

سرباز خان نے 2023ء میں چو اویو کی چوٹی کو بھی سر کیا اور اب شیشا پنگما کو سر کر کے وہ پہلے پاکستانی بن گئے ہیں جنہوں نے یہ تاریخی ہدف مکمل کیا ہے۔

وادی ہنزہ سے تعلق رکھنے والے سرباز خان کے تمام 8 تھاؤزنڈر کی تفصیلات یہ ہیں۔

1۔ نانگا پربت (8126 میٹر) تاریخ: 2 اکتوبر 2017

2۔ کے ٹو (8611 میٹر) تاریخ: 22 جولائی 2018

3۔ لوٹسے (8516 میٹر) تاریخ: 14 مئی 2019

ریکارڈ: لوٹسے سر کرنے والے پہلے پاکستانی

4۔ براڈ پیک (8051 میٹر) تاریخ: 11 جولائی 2019

ریکارڈ: بغیر مصنوعی آکسیجن کے چوٹی سر کی

5۔ مناسلو (8163 میٹر) تاریخ: 25 ستمبر 2019

ریکارڈ: ماناسلو سر کرنے والے دوسرے پاکستانی

6۔ اناپورنا (8091 میٹر) تاریخ: 16 اپریل 2021