فرمان الہی
نماز کے اوقات
حکمران جماعت مسلم لیگ (ن) کے سینیٹ میں پارلیمانی لیڈر سینیٹر عرفان صدیقی نے کہا ہے کہ تحریک انصاف نے مظلوم اہل فلسطین سے اظہار یکجہتی کی آل پارٹیز کانفرنس (اے پی سی) میں شرکت سے انکار کیا ہے۔
اسلام آباد سے جاری بیان میں عرفان صدیقی نے کہا کہ پی ٹی آئی کے انکار نے ان کے چہرے ہی نہیں روح سے بھی نقاب الٹ دی ہے۔
انہوں نے کہا کہ اپنےخیالی حقوق کی پامالی کا جھوٹا پروپیگنڈا کرنے والوں کو غزہ کے بچے دکھائی نہیں دیتے ہیں۔
سینیٹر عرفان صدیقی نے مزید کہا کہ پی ٹی آئی قوم کو اتنا تو بتادے کہ وہ کس کی ناراضگی کے خوف سے حق کے لیے آواز نہیں اٹھا رہی ہے۔
ان کا کہنا تھا کہ یہ تو بتائیں کہ کس کی خوشنودی حاصل کرنے کےلیے پی ٹی آئی اہل فلسطین کے حق میں آواز اٹھانے سے ڈر رہی ہے۔
