اسلام آباد (جنگ نیوز)قومی ٹیم ورلڈ جونیئر اسکواش چمپئن شپ میں شرکت کیلئے 6 اگست کو پولینڈ روانہ ہوگی۔ پاکستان اسکواش فیڈریشن کے سیکرٹری گروپ کیپٹن عامر نوازنے کہا ہے کہ ورلڈ جونیئر چمپئن شپ رواں سال 6 سے 16 اگست تک پولینڈ میں کھیلی جائے گی جس میں پانچ کھلاڑی پاکستان کی نمائندگی کریں گے۔ایونٹ کی تیاری کیلئے قومی کھلاڑیوں کا تربیتی کیمپ مصحف علی ا سکواش کمپلیکس اسلام آباد میں جاری ہے تربیتی کیمپ میں اسرار احمد ، عباس شوکت ، احسن ایاز، کاشف آصف اور مہران جاوید تربیت حاصل کررہے ہیں اور کوچ انہیں جدید اور اعلیٰ معیار کی تربیت دے رہے ہیں۔ عامر نواز نے کہا کہ ورلڈ جونیئر چمپئئن شپ کیلئے باصلاحیت کھلاڑیوں کا انتخاب کیا گیا اور امید ہے ایونٹ میں قومی جونیئر ٹیم شاندار کارکردگی کا مظا ہرہ کرکے کامیابی حاصل کریگی۔
فرمان الہی
نماز کے اوقات
