انتظار پنجوتھا کی مبینہ گمشدگی پر درخواست دائر

بانیٔ پی ٹی آئی کے فوکل پرسن انتظار پنجوتھا کی مبینہ گمشدگی پر اسلام آباد ہائی کورٹ میں درخواست دائر کر دی گئی۔

وکیل علی اعجاز نے اسلام آباد ہائی کورٹ سے رجوع کیا ہے، جن کی درخواست میں کہا گیا ہے کہ انتظار پنجوتھا ایڈووکیٹ سے 8 اکتوبر کی شام 4 بجے سے رابطہ نہیں ہو رہا۔

درخواست میں مؤقف اپنایا گیا ہے کہ انتظار پنجوتھا کو ڈھونڈنے کی کوشش کی گئی، پولیس اور دیگر اداروں سے رابطہ کیا مگر تاحال ان کا کچھ علم نہ ہو سکا۔

عدالت سے استدعا کی گئی ہے کہ انتظار حسین پنجوتھا کی بازیابی کا حکم دیا جائے۔

عمران کو خدشہ ہے انہیں ملٹری کورٹ لے جایا جائیگا، انتظار پنجوتھا

راولپنڈی بانی پی ٹی آئی کو خدشہ ہے کہ انہیں ملٹری...

اس حوالے سے وفاق کو سیکریٹری داخلہ، سیکریٹری دفاع کے ذریعے فریق بنایا گیا ہے۔

چیف کمشنر اسلام آباد، ایف آئی اے، آئی جی اسلام آباد پولیس کو بھی فریق بنایا گیا ہے۔