بالی ووڈ میں خود کی تشکیل نو کرنا اور اسے برقرار رکھنا مشکل کام ہے، کرینہ کپور

بالی ووڈ کی خوبرو اداکارہ کرینہ کپور نےکہا ہے کہ بھارتی فلمی صنعت میں خود کی تشکیل نو کرنا اور اُسے برقرار رکھنا مشکل کام ہے۔

بھارتی میڈیا رپورٹس کے مطابق کرینہ کپور نے بالی ووڈ کو مردوں کی بالادستی رکھنے والی صنعت قرار دیا اور کہا کہ اس شعبے میں خود کو نئے سرے سے بنانا اور اسے برقرار رکھنا مشکل کام ہے۔

پریانکا چوپڑا کے ساتھ کبھی بھی ہاتھا پائی والا جھگڑا نہیں ہوا، کرینہ کپور

بالی ووڈ کی معروف اداکارہ کرینہ کپور نے ان افواہوں کی تردید کی ہے کہ ان کی بالی ووڈ سے ہالی ووڈ منتقل ہوجانے والی ہم عصر اداکارہ پریانکا چوپڑا کے ساتھ جھگڑا ہوا تھا۔

44 سالہ کرینہ کپور کے بالی ووڈ میں 25 سال مکمل ہوگئے ہیں، انہوں نے ابھیشیک بچن کے مقابل فلم رفیوجی سے ڈیبیو کیا تھا، وہ جلد ہی روہت شیٹی کی ’سنگھم اگین ‘میں نظر آئیں گی، جو یکم نومبر کو ریلیز کی جائے گی۔

ایک انٹرویو میں کرینہ کپور نے مردوں کی بالادستی کی حامل صنعت میں خاتون اداکار کو درپیش چیلنجز کا تذکرہ کیا اور کہا کہ بالی ووڈ میں خود کی تشکیل نو کرنا اور اُسے برقرار رکھنا مشکل ہے۔

اداکارہ نے مزید کہا کہ جب آپ 17 یا 18 سال کے ہوتے ہیں تو ہر کوئی چاہتا ہے کہ آپ فلم میں ہوں، اگر آپ نے اس حالت میں 10 سال گزار لیے ہیں تو آپ کو اپنی تشکیل نو کرنی چاہیے جو مردانہ غلبے کی حامل اس صنعت میں انتہائی خوفناک عمل ہے۔

امیتابھ بچن کو ابھیشیک، ایشوریہ کی محبت کا کب پتا چلا؟

بالی ووڈ کے لیجنڈ اداکار امیتابھ بچن کو ابھیشیک اور ایشوریہ رائے کی محبت کا قصہ کب پتا چلا؟ جوڑے کی 17ویں سالگرہ پر اہم انکشاف سامنے آگیا۔

ان کا کہنا تھا کہ اس دورانیے میں میرے ساتھ دیگر اداکارائیں بھی ہیں، جنہوں نے بڑی کامیابیاں حاصل کیں، میں ہر 5 سال بعد خود سے پوچھتی ہوں کہ اب کیا نیا کیا جاسکتا ہے؟

کرینہ کپور نے کہا کہ یہ صرف کامیاب فلموں کےلیے نہیں ہے بلکہ آنے والوں کےلیے اپنی میراث چھوڑنا ہے، میں ایسے خاندان سے ہوں، جہاں سب ہی شاندار اداکار ہیں، یہی چیلنج مجھے درپیش ہے تاکہ میری شناخت کہیں چھوٹ نہ جائے۔

انہوں نے کہا کہ اس فلم انڈسٹری میں ہر 10 سال بعد کوئی نہ کوئی نیا آجاتا ہے، ایسے میں اپنی جگہ برقرار رکھنا مشکل ہوتا ہے، اس لیے میں مختلف نوعیت کی فلموں کا انتخاب کرنا پسند کرتی ہوں۔