سیاسی آلودگی نظر نہیں آتی لیکن ملک تباہ کردیتی ہے، مریم نواز

وزیر اعلیٰ پنجاب مریم نواز کا کہنا ہے کہ  سیاسی آلودگی نظر نہیں آتی لیکن ملک تباہ کردیتی ہے۔

لاہور میں کلائمیٹ لیڈر شپ ڈیولپمنٹ کانفرنس سے خطاب کرتے ہوئے مریم نواز نے کہا کہ ایک صوبہ پورے ساز و سامان کے ساتھ وفاق پر حملہ آور ہوتا ہے، نہ خود کام کرنا ہے اور نہ کسی کو کرنے دینا ہے۔

انہوں نے کہا کہ سیاسی اسموگ پھیلانے میں ان لوگوں کو ناکامی کا منہ دیکھنا پڑا ہے۔

بہتر منصوبہ بندی سے قدرتی آفات کے نقصانات کم کیے جا سکتے ہیں: مریم نواز

وزیرِ اعلیٰ پنجاب مریم نواز کا کہنا ہے کہ بہتر منصوبہ بندی سے قدرتی آفات کے نقصانات کو کم کیا جا سکتا ہے۔

وزیر اعلیٰ پنجاب نے کہا کہ بھارت کے ساتھ کلائمیٹ ڈپلومیسی ہونی چاہیے، اسموگ کی کمی کیلئے بھارتی پنجاب سے بھی بات ہونی چاہیے، اسموگ ایک بٹن دبانے سے ختم نہیں ہوگی، تمام اداروں کو مل کر کام کرنا پڑے گا۔

مریم نواز نے کہا کہ ماحولیات کے تحفظ کا مضمون درسی نصاب میں شامل کر دیا گیا ہے، اسموگ کنٹرول روم بنا کر فیکٹریاں اس سے منسلک کردی ہیں۔ 

انہوں نے کہا کہ انوائرمنٹ ہاٹ لائن قائم کردی ہے۔ دھواں چھوڑنے والی گاڑیوں کی مانیٹرنگ کر رہے ہیں۔ ماحولیاتی آلودگی پر قابو پانے کے لیے گرین پنجاب ایپ لانچ کردی گئی۔ پلانٹ فار پاکستان ایپ کا بھی اجراء کردیا گیا ہے۔