بہتر منصوبہ بندی سے قدرتی آفات کے نقصانات کم کیے جا سکتے ہیں: مریم نواز

وزیرِ اعلیٰ پنجاب مریم نواز کا کہنا ہے کہ بہتر منصوبہ بندی سے قدرتی آفات کے نقصانات کو کم کیا جا سکتا ہے۔

جاری کیے گئے بیان میں انہوں نے قدرتی آفات سے آگاہی کے قومی دن پر پیغام جاری کیا ہے۔

وزیرِ اعلیٰ پنجاب کا کہنا ہے کہ قدرتی آفات کے تباہ کن اثرات کم کرنے کے لیے ہر فرد کو اپنا کردار ادا کرنا چاہیے۔

8 اکتوبر 2005، پاکستان میں تباہ کن زلزلے کا 19 واں سال

پاکستان میں آنے والے تباہ کن زلزلے کو 19برس ہوگئے۔ 8 اکتوبر 2005 کو 7اعشاریہ 6 شدت کے زلزلے سے آزاد کشمیر اور ہزارہ ڈویژن سمیت خیبرپختونخوا کے مختلف اضلاع میں وسیع پیمانے پر تباہی ہوئی تھی۔

ان کا کہنا ہے کہ قدرتی آفات کے خطرے کے پیشِ نظر ارلی وارننگ سسٹم کو مزید بہتر بنایا جا رہا ہے۔

وزیرِ اعلیٰ پنجاب مریم نواز نے یہ بھی کہا ہے کہ حکومتِ پنجاب قدرتی آفات سے نمٹنے کے لیے تمام ممکنہ وسائل بروئے کار لا رہی ہے۔