پاکستان 200 ٹن امدادی اشیاء فلسطین اور لبنان بھیجے گا

پاکستان فلسطین اور لبنان کے لیے 200 ٹن امدادی اشیاء بھیجے گا۔

نیشنل ڈیزاسٹر مینجمنٹ اتھارٹی نے چارٹر پروازوں کی پیشکش طلب کر لیں۔

این ڈی ایم اے نے فلسطین اور لبنان کے لیے انسانی امداد کی نقل و حمل کے لیے 2 چارٹر پروازوں کی معروف ایئر کارگو کمپنیوں سے بولی طلب کرلی۔

ایسا لگتا ہے اسرائیل اقوام متحدہ سے بھی جنگ کرنے پر اتر آیا، عرب میڈیا

اسرائیلی فوج نے جنوبی لبنان میں اقوام متحدہ کے امن مشن یونیفل کے زیر استعمال ایک نگرانی کے ٹاور پر فائرنگ کی، جس سے 2 افراد زخمی ہوگئے۔

ہر طیارے میں 100 ٹن کے لگ بھگ امدادی سامان کی فراہمی کی جائے گی۔

دلچسپی رکھنے والی ایئر کارگو کمپنیاں لازمی طور پر انکم اور سیلز ٹیکس کے محکموں میں رجسٹرڈ ہوں۔

بولی میں شریک ہونے کے درخواست فارم این ڈی ایم اے اور پیپرا کی ویب سائٹ سے ڈاؤن لوڈ کیے جا سکتے ہیں۔

این ڈی ایم اے کے مطابق ‏ درخواستیں بولی دہندگان کی موجودگی میں کھولی جائیں گی۔