جنگ کیلئے پوری طرح تیار ہیں لیکن جنگ نہیں امن چاہتے ہیں، ایران

 

ایرانی وزیر خارجہ عباس عراقچی نے کہا ہے کہ ایران کی اپنے دفاع کیلئے کوئی سرخ لکیر نہیں ہے، جنگ کےلیے پوری طرح تیار ہیں، لیکن جنگ نہیں امن چاہتے ہیں۔ 

بغداد میں عراقی ہم منصب فواد حسین کے ہمراہ پریس کانفرنس سے خطاب کرتے ہوئے ایرانی وزیر خارجہ عباس عراقچی نے مزید کہا کہ ایران نے حالیہ دنوں میں خطے کو بڑی جنگ سے بچانے کی بھرپور کوششیں کی ہیں۔ 

اسرائیل ایران مکمل جنگ نہیں چاہتے: امریکی سی آئی اے چیف ولیم برنس

امریکی سینٹرل انٹیلی جنس ایجنسی (سی آئی اے) کے چیف ولیم برنس کا کہنا ہے کہ امریکی انٹیلی جنس کا خیال ہے اسرائیل اور ایران مکمل جنگ نہیں چاہتے۔

انہوں نے کہا کہ اب یہ بالکل واضح ہے کہ اپنے عوام اور مفادات کے دفاع کیلئے ایران کی کوئی سرخ لکیریں نہیں۔ 

عباس عراقچی نے کہا کہ ایران جنگی صورتحال کیلئے پوری طرح تیار ہے لیکن ایران جنگ نہیں امن چاہتا ہے۔ ایران خطے میں تنازع کے پھیلاؤ کو روکنے کیلئے بات چیت جاری رکھے گا۔ 

انہوں نے کہا کہ ایران غزہ اور لبنان میں جنگ بندی اور امن کےلیے کام جاری رکھے گا۔