انٹرنیشنل رینکنگ فائٹ جیت کر باکسر محمد وسیم کوئٹہ پہنچ گئے

انٹرنیشنل پروفیشنل باکسر محمد وسیم آبائی شہر کوئٹہ پہنچ گئے۔

محمد وسیم مالٹا میں انٹرنیشنل رینکنگ فائٹ جیتنے کے بعد کوئٹہ پہنچے، اس موقع پر پارلیمانی سیکریٹری کھیل مینا مجید بلوچ اور دیگرحکام نے ان کا استقبال کیا۔

باکسر محمد وسیم نے ایئر پورٹ پر میڈیا سے بات چیت کرتے ہوئے کہا کہ پُر تپاک استقبال پر حکومتِ بلوچستان کا شکر گزار ہوں۔

محمد وسیم نے ڈبلیو بی ایف کی رینکنگ فائٹ میں جارجیئن باکسر کو ناک آؤٹ کردیا

پاکستان کے محمد وسیم نے ڈبلیو بی ایف کی رینکنگ فائٹ میں جارجیئن باکسر کو ناک آؤٹ کردیا۔

محمد وسیم نے کہا کہ مستقبل میں ورلڈ باکسنگ ٹائٹل پاکستان لے کر آؤں گا۔

اس موقع پر  مینا مجید بلوچ نے کہا کہ شاہ زیب رند کے بعد محمد وسیم نے بھی ملک کا نام روشن کیا، بلوچستان میں بہت ٹیلنٹ موجود ہے۔

پارلیمانی سیکریٹری کھیل مینا مجید بلوچ نے یہ بھی کہا کہ نوجوانوں کی کھیلوں کی ہر ضرورت پوری کی جائے گی۔