ساجد خان نے وکٹ لینے کے بعد جشن منانے کے انداز پر وضاحت کر دی

پاکستان ٹیسٹ ٹیم کے اسپن بولر ساجد خان نے وکٹ لینے کے بعد اپنے جشن منانے کے انداز کے حوالے سے وضاحت کر دی۔

ملتان میں پریس کانفرنس کرتے ہوئے انہوں نے کہا کہ میرا جشن کا اسٹائل شروع سے ہی ایسا ہے، کبڈی مجھے پسند ہے، یہ اس کا ہی اسٹائل ہے۔

ساجد خان نے کہا کہ ہمارا پلان تھا کہ جو روٹ کی وکٹ مل گئی تو ہم انگلینڈ پر مزید دباؤ ڈالیں گے۔

انہوں نے کہا کہ پنڈی اسٹیڈیم کی پچ اسپن ہو گی یا نہیں یہ وہاں کے گراؤنڈ اسٹاف کو پتہ ہو گا۔

نعمان علی اور ساجد خان نے 52 سال بعد ٹیسٹ کرکٹ کا ریکارڈ برابر کر دیا

پاکستان کے اسپن بولرز نعمان علی اور ساجد خان نے 52 سال بعد ٹیسٹ کرکٹ کا ریکارڈ برابر کردیا۔

یاد رہے کہ انگلینڈ کے خلاف دوسرے ٹیسٹ میچ میں نعمان علی نے 11 اور ساجد خان نے 9 کھلاڑی آؤٹ کیے ہیں۔

دوسرے ٹیسٹ میچ میں آج پاکستان نے انگلینڈ کو 152 رنز سے شکست دے کر 3 میچز کی سیریز ایک ایک سے برابر کر دی۔

تین ٹیسٹ کی سیریز کا آخری اور فیصلہ کن میچ 24 اکتوبر سے راولپنڈی میں شروع ہو گا۔