کراچی: 4 خواتین کی لاشیں ملنے کے کیس میں اہم پیشرفت، گھر کا فرد ہی قاتل نکلا

کراچی کے علاقے لی مارکیٹ  میں فلیٹ سے ملی چار خواتین کی لاشوں کے کیس کی تفتیش میں پیشرفت ہوئی ہے، جس کے مطابق گھر کا فرد ہی قاتل نکلا۔

پولیس کا کہنا ہے کہ ملزم بلال نے اپنی والدہ، بہن، بھانجی اور بھابھی کو قتل کرنے کا اعتراف کرلیا، ملزم نے تیز دھار آلے سے ماں، بہن، بھانجی اور بھابھی کو قتل کیا۔

کراچی، فلیٹ سے 4 خواتین کی تشدد زدہ لاشیں برآمد

چاروں خواتین کےجسم پر تشدد کے نشانات بھی ہیں، لاشیں سول اسپتال منتقل کر دی گئیں۔

پولیس حکام کا کہنا ہے کہ ملزم بلال اس سے پہلے اپنی اہلیہ کو طلاق دے چکا ہے، ملزم کے اعتراف جرم کے بعد مقدمہ درج کیا جا رہا ہے۔

قتل کی گئی خواتین میں ماں، بیٹی، نواسی اور بہو شامل تھیں، جن کی عمریں 13، 18، 19 اور 51 سال ہیں۔

گھر کے سربراہ محمد فاروق کا کہنا تھا کہ واردات کے وقت وہ اور اس کے دونوں بیٹے گھر پر نہیں تھے، کسی پر شک نہیں۔