فرمان الہی
نماز کے اوقات
وزیرِ اعلیٰ پنجاب مریم نواز نے کہا ہے کہ اقوامِ متحدہ سے اپیل ہے کہ فلسطین اور کشمیر کے مسلمانوں کو حق دلانے میں کردار ادا کرے۔
اقوامِ متحدہ سے منسوب دن پر اپنے پیغام میں انہوں نے کہا کہ اقوامِ متحدہ امن، انسانی حقوق اور ترقی کے لیے امید کی کرن ہے، اس سے منسوب دن یک جہتی، امن، تعاون کی اہمیت کا اعادہ کرتا ہے۔
مریم نواز نے کہا کہ اقوامِ متحدہ نے دنیا بھر میں غربت، جہالت اور نا انصافی کے خلاف جدوجہد کی ہے، پاکستان اقوامِ متحدہ کے بنیادی مقاصد سے گہری وابستگی رکھتا ہے۔
انہوں نے مزید کہا کہ ذمے دار اور سرگرم رکن پاکستان نے ہمیشہ یو این کی قراردادوں کی پاسداری کی ہے۔
مریم نواز نے یہ بھی کہا کہ پاکستان اقوامِ متحدہ کے پلیٹ فارم پر عالمی امن اور ترقی میں اپنا کردار ادا کرتا رہے گا۔
