فرمان الہی
نماز کے اوقات
کندھ کوٹ(نامہ نگار) کندھ کوٹ دن دہاڑے ڈاکوؤں کی مسافر گاڑیوں سے لوٹ مار، کار سے ہندو نوجوان کو اغوا کرلیا بچیوں کو یرغمال بنا کر لوٹ مار کی شہریوں اور مسافروں کا دھرنا پولیس ڈاکوؤں کو روکنے اور ان کو گرفت میں لانے میں ناکام ہو گئی تفصیلات کے مطابق: کندھ کوٹ میں ڈاکو راج برقرار پولیس ڈاکوؤں کو گرفت میں لانے میں مکمل طور پر ناکام ہو گئی صبح کے وقت دن دہاڑے انڈس ہائی وے پر پولیس تھانہ بخشاپور کی حدود میں ڈاکوؤں کے جتھوں نے مختلف مقامات پر مسافر گاڑیوں سے لوٹ مار کی جبکہ ایک کار بڈانی سے صالح پٹ جا رہی تھی جس کو 8 مسلح ڈاکوؤں نے روک کر یرغمال بنالیا کار میں سوار دو بچیاں اور دو ہندو افراد کو یرغمال بنا کر لوٹ مار کرنے کے بعد ایک نوجوان وکرم کمار کو اغوا کر کے کچے کی طرف باآسانی فرار ہو گئے اس واقعہ کے بعد مسافروں اور مقامی لوگوں نے انڈس ہائی وے پر احتجاجی دھرنا دے دیا دو گھنٹوں تک دھرنا جاری رہنے کے بعد اے ایس پی کندھکوٹ دھرنے والی جگہ پہنچ کر ڈاکوؤں کیخلاف کارروائی کی یقین دہانی اور جلد مغویوں کو بازیاب کرانے کا کہہ کر دھرنا ختم کروایا مسلح ڈاکوؤں کے ہاتھوں یرغمال ہونے والی دو بچیاں نکیتا کماری اور انمول کندھ کوٹ گردوارہ صاحب پہنچی جہاں پر میڈیا کی ٹیم کے سامنے دونوں بچیوں نے روتے ہوئے بتایا کہ ڈاکو راج کی وجہ سے اب ہم محفوظ نہیں ہمارے سامنے ہمارے ساتھی کو اغوا کر کے ڈاکو باآسانی فرار ہو گئے ۔
