فرمان الہی
نماز کے اوقات
کراچی(اسٹاف رپورٹر) مختلف حادثات و واقعات میں 2 خواتین اور لڑکے سمیت6 افراد جاں بحق اور 2 افراد زخمی ہوگئے، 4 افراد کی لاشیں ملیں،تفصیلات کے مطابق سپرہائی وے جمالی پل کے قریب نامعلوم گاڑی کی ٹکر سے 2 راہگیر خواتین 43سالہ ریشمہ جبکہ دوسری خاتون کی شناخت نہیں ہوسکی جاں بحق ہوگئیں، حادثے کا ذمہ دارڈرائیور فرارہوگیا ،مبینہ ٹاون کے علاقے جامعہ کراچی کے قریب تیز رفتارواٹر ٹینکر کی ٹکر سے موٹرسائیکل سوار 18 سالہ منیر احمد جاں بحق ہو گیا ،پولیس نے ٹینکر تحویل میں لےلیا ، ڈرائیورکی تلاش جاری ہے ،کورنگی گودام چورنگی کے قریب ٹریلر کی ٹکر سے موٹرسائیکل سوار 15 سال کا لڑکا جاں بحق ، زخمی کی عمر 12 سال کے قریب بتائی جاتی ہے، دریں اثنا نارتھ میں کام کے دوران گردن پر لوہے کی چیز لگنے سے شدید زخمی ہونے والا 45 سالہ فیصل ولد علی محمد دوران علاج سول اسپتال میں دم توڑگیا، اورنگی ٹائون سیکٹرالیون اے فاروق کالونی میں واقع گھر کی چھت سے پراسرار طو رپر گرکر 30سالہ معین الدین جاں بحق ہوگیا، علاوہ ازیں ماڑی پور ٹرک اڈا گیٹ نمبر 6 کے قریب 40 سالہ شخص ، لیاری جہان آباد لاشاری محلہ عثمانیہ مسجد کے قریب فٹ پاتھ سے 40 سالہ شخص، لیاری بکرا پیڑی ندی کے قریب فٹ پاتھ سے35 سالہ شخص ، چاند بی بی روڈ گرلز کالج کے قریب فٹ پاتھ سے65 سالہ شخص کی لاشیں ملیں ،پولیس کے مطابق چاروں لاشیں نشے کے عادی افراد اکی ہیں جن کی شناخت نہیں ہوسکی ہے۔
