فرمان الہی
نماز کے اوقات
آئی سی سی چیمپئنز ٹرافی سے قبل قذافی اسٹیڈیم کی اپ گریڈیشن کا کام تیزی سے جاری ہے جہاں 6 فلڈ لائٹس ٹاورز کی لائٹس اتارنے کا کام شروع ہوگیا ہے، ٹاور پر جدید ایل ای ڈی لائٹس لگائی جائیں گی۔
چیمپئینز ٹرافی 2025 کےلیے قذافی اسٹیڈیم کی اپ گریڈیشن کا کام تیزی سے جاری ہے، تعمیراتی کام کے ساتھ اب قذافی اسٹیڈیم کے فلڈ لائٹس ٹاورز کی لائٹس اتارنے کا کام بھی ہو رہا ہے۔
چھ ٹاورز میں سے تین کی لائٹس اتارنے کا کام مکمل کر لیا گیا ہے جبکہ تین ٹاور کی لائٹس اتارنے کا کام جاری ہے۔ ٹاورز پر اب جدید ایل ای ڈی لائٹس لگائی جائیں گی، نئی لائٹس بھی جلد لگانے کا کام مکمل کرنے کا پلان تیار کیا گیا ہے۔
قذافی اسٹیڈیم میں دو جدید اسکرینیں بھی نصب کی جائیں گی، قذافی اسٹیڈیم کی مرکزی بلڈنگ کا کام بھی تکمیل کی جانب گامزن ہے۔ آپ گریڈیشن کا کام 50 فیصد مکمل کر لیا گیا ہے۔
علم میں رہے کہ قذافی اسٹیڈیم کی اپ گریڈیشن مکمل کرنے کےلیے ڈیڈ لائن 31 دسمبر 2024 ہے۔
