فرمان الہی
نماز کے اوقات
بورڈر گواسکر ٹرافی سیریز کے پانچویں اور آخری ٹیسٹ کی پلئینگ الیون سے آؤٹ آف فارم آل راؤنڈر میچل مارش کو ڈراپ کردیا گیا۔
کپتان پیٹ کمنز نے آخری ٹیسٹ کی پلئینگ الیون کی تصدیق کردی ہے، میچل مارش کی جگہ آل راؤنڈر بیو ویبسٹر انڈیا کے خلاف سڈنی ٹیسٹ میں ڈیبیو کریں گے۔
بیو ویبسٹر ٹیسٹ ڈیبیو کرنے والے آسٹریلیا کے 469 ویں کھلاڑی ہیں۔
آخری ٹیسٹ سےڈراپ کیے گئے میچل مارش نے سیریز میں 10.42 کی اوسط سے 73 رنز بنائے۔
دوسری جانب فاسٹ بولر میچل اسٹارک پسلیوں میں تکلیف کے باجود نیو ایئر ٹیسٹ کھیلیں گے۔
کپتان پیٹ کمنز کا کہنا ہے کہ میچل اسٹارک نے کبھی بھی یہ ٹیسٹ میچ مس نہیں کرنا تھا۔
واضح رہے کہ بورڈر گواسکر ٹرافی کا آخری ٹیسٹ کل سے سڈنی کرکٹ گراونڈ میں شروع ہوگا، پانچ ٹیسٹ میچز کی سیریز میں آسٹریلیا کو دو ایک سے برتری حاصل ہے۔
