فرمان الہی
نماز کے اوقات
کراچی (اسٹاف رپورٹر)عالمی امیچر اسنوکر چیمپئن پاکستانی اسٹار محمد آصف نےورلڈ ماسٹر اسنوکر گروپ میں شاندار کارکردگی کا مظاہرہ کرتے ہوئے تین میچز اپنے نام کرلئے۔ گروپ کے تینوں میچز جیت کر آصف ورلڈ ماسٹرز کے ناک آؤٹ مرحلے میں پہنچ گئے۔آصف نے پہلے میچ میں افغانستان کے احمد رسولی کو 3-0 سےشکست دی ۔ اس موقع پر انہوں نے 139 کا بریک بھی کھیلا۔ گروپ کے دوسرے میچ میں آصف نے بھارت کے رجت کھنیجاکے خلاف بھی سنچری بریک کھیلتے ہوئے 3-0 کی فتح بھی اپنے نام کی۔ گروپ کے تیسرے میچ میں آصف نے آسٹریلیا کے اسٹیو ہینا کو شکست دی۔ انہوں نے ایک بھی فریم ڈراپ نہیں کیا۔
