فرمان الہی
نماز کے اوقات
انٹرنیشنل کرکٹ کونسل (آئی سی سی) چیمپئنز ٹرافی کےلیے قذافی اسٹیڈیم اپ گریڈیشن پروجیکٹ تیزی سے تکمیل کی جانب بڑھنے لگا۔
قذافی اسٹیڈیم میں 100 سے زائد گاڑیوں کی پارکنگ کےلیے بیسمنٹ مکمل ہوگئی جبکہ انکلوژرز میں نئی نشستوں کےلیے اسٹرکچر کا کام شروع ہوگیا۔
چیئرمین پاکستان کرکٹ بورڈ (پی سی بی) سینیٹر محسن نقوی نے اسٹیڈیم کے دورے کے دوران مین بلڈنگ اور انکلوژرز میں تعمیراتی کاموں کا معائنہ کیا۔
انہوں نے آفس بلڈنگ کے فلورز میں جاری کاموں کا مشاہدہ کیا، کمروں میں ٹائلز کی تنصیب شروع ہوگئی، پروجیکٹ ڈائریکٹر نے چیئرمین پی سی بی کو پیشرفت کے بارے میں بریفنگ دی۔
محسن نقوی نے خندق کے گرد گرل کو دیدہ زیب بنانے کی ہدایت کی اور کہا کہ گرل کی تنصیب سے شائقین کرکٹ کا میچ دیکھنے کا منظر متاثر نہیں ہونا چاہیے۔
انہوں نے فار اینڈ پر انکلوژرز میں نشستوں کی تعمیر کےلیے بنائے جانے والے اسٹرکچر کا بھی معائنہ کیا اور تعمیراتی کاموں کی پیشرفت پر اطمینان کا اظہار کیا۔
محسن نقوی نے پروجیکٹ کے حوالے سے ایف ڈبلیو او کے حکام کو ہدایات دیں اور کہا کہ انشاء اللّٰہ پروجیکٹ وقت پر مکمل ہو گا، پوری ٹیم دن رات محنت کر رہی ہے۔
اس دورے کے دوران ایڈوائزر عامر میر، بلال افضل، چیف آپریٹنگ آفیسر (پی سی بی) سلمان نصیر، ڈائریکٹر انفرااسٹرکچر، ڈومیسٹک کرکٹ، نیسپاک اور ایف ڈبلیو او کے متعلقہ حکام بھی موجود تھے۔
