فرمان الہی
نماز کے اوقات
کیا سابق بھارتی کرکٹر، سیاستدان اور کپل شرما شو کے سابق جج نوجوت سنگھ سدھو 5 برس بعد پھر کپل شرما شو کا حصہ بننے جارہے ہیں؟ وہ 2019 میں شو سے الگ ہو گئے تھے۔
اس حوالے سے دی گریٹ انڈین کپل شو کے نئے پرومو میں انکشاف کیا گیا ہے کہ نوجوت سنگھ سدھو شو کی آئندہ آنے والی قسط میں نظر آئیں گے۔
پرومو میں مزید بتایا گیا ہے کہ نوجوت سنگھ سدھو جج کی سیٹ سنبھالیں گے جبکہ ارچنا پورن سنگھ فی الحال اپنی جگہ نہیں بنا پائیں گی۔
اس پرومو میں کپل ایسا ظاہر کرتے ہیں جیسے ارچنا پورن سنگھ نوجوت سنگھ سدھو جیسی نظر آ رہی ہیں۔
تاہم اس موقع پر سدھو کہتے ہیں وہ خود ہی یہاں موجود ہیں، جس پر ارچنا چلتی ہوئی اسٹیج پر آکر کپل سے مداخلت کرنے اور اپنی سیٹ سے سردار صاحب کو ہٹانے کا کہتی ہیں۔
ارچنا کے مطابق انھوں نے میری جگہ پر قبضہ کر لیا ہے، جس پر شو کے اس قسط میں شریک سابق کرکٹر ہربھجن سنگھ، نوجوت سدھو کی حمایت کرتے ہوئے کہتے ہیں کوئی بھی اس سیٹ پر آجائے لیکن وہ سدھو پاجی کا متبادل نہیں ہوسکتا۔
