فرمان الہی
نماز کے اوقات
کراچی (اسٹاف رپورٹر) قومی ویمنز ون ڈے ٹورنامنٹ کے پانچویں راؤنڈ میں اسٹارز اور انونسیبلز نے اپنے اپنے میچز جیت لیے۔ پیر کو یوبی ایل اسپورٹس کمپلیکس میں انونسیبلز نے چیلنجرز کو زیر کیا۔ فاتح ٹیم نے 6 وکٹ پر 286 رنزبنائے۔ ارم جاوید نے 126 اور عمیمہ سہیل نے ناقابل شکست 110 دس رنز بنائے۔ ناکام ٹیم نو وکٹ پر 267 بنا سکی، گل رخ 71 اور عالیہ ریاض نے 51 رنز کی اننگز کھیلیں۔ نور الایمان نے تین وکٹیں حاصل کیں۔ عمیمہ سہیل پلیئر آف دی میچ قرار پائیں۔اوول گراؤنڈ کراچی میں کانکرز کو اسٹارز نے ہرادیا۔ کانکررز کی ٹیم 122 رنزپر آؤٹ ہوگئی۔ نجیحہ علوی نے 31 رنز بنائے۔ طوبیٰ حسن نے تین وکٹیں حاصل کیں۔ اسٹارز نے پلیئر آف دی میچ سدرہ امین کے 53 رنز کی بدولت ہدف سات وکٹ پر حاصل کر لیا ۔ ماہ نور آفتاب نے چھ شکار کیے ۔
