• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اللّٰہ کی خوشنودی کا حصول زندگی کا مقصد بنانا ہوگا، علامہ حسنات بخاری

آج کا اخبار
یورپ سے
21 نومبر ، 2024
برسلز (نمائندہ جنگ) اتفاق ویلفیئر سوسائٹی کے صدر ندیم ضیاء بٹ کی ساس پاکستان میں وفات پا گئیں مرحومہ کے ایصال ثواب کیلئے مسجد مدینۃ الرسول صلی اللہ علیہ وسلم میں دعائیہ محفل کا اہتمام کیا گیا۔ محفل میں لوگوں کی بڑی تعداد نے شرکت کی۔ اس موقع پر علامہ سید حسنات احمد بخاری نے شرکائے محفل کو اس دنیا میں آنے اور پھر یہاں سے جاکر گزرے وقت کی جواب دہی کی جانب متوجہ کیا۔ انہوں نے شرکاء کو اپنے اندر تمام حقوق کی ادائیگی اور اچھے اعمال پیدا کرنے کی ضرورت کا احساس دلایا۔ اس کے ساتھ ہی اپنے ہر عمل میں اللہ کی خوشنودی حاصل کرنے کو اپنی زندگی کا مقصد بنا لینے کی تلقین کی۔ آخر میں مرحومہ کیلئے دعائے مغفرت کی گئی۔ اس خصوصی محفل میں جن لوگوں نے شرکت کی ان میں کشمیر کونسل ای یو کے چیئرمین علی رضا سید، سردار صدیق خان، خالد جوشی، تحریک انصاف کے رہنما بابو ربانی، شکیل گوہر، علی چوہدری، سابق کونسلر عامر نعیم، نو منتخب کونسلر علی حسنین اور دیگر شامل تھے۔ آخر میں شرکاء نے ندیم ضیاء بٹ کے ساتھ ذاتی اظہار تعزیت بھی کیا۔
یورپ سے سے مزید