گوجرانوالہ(نمائندہ جنگ)سالڈ ویسٹ مینجمنٹ کمپنی کے ملازمین نے تنخواہیں نہ ملنے پر کام چھوڑ ہڑتال کردی 6 ماہ سےتنخواہیں نہیں ملیں ،تنخواہیں نہ دی گئیں تو کام نہیں کریں گے ۔آل سینٹری ورکرز یونین کے عہدیداروں کا چیئرمین طارق محمود مغل دین ، صدر آصف یوسف ،صدر ڈرائیورز یونین اسحاق غوری کی قیادت میں سالڈ ویسٹ مینجمنٹ کمپنی کی ورکشاپ کے باہر شیخوپورہ روڈ کو بلاک کرکے مظاہرہ اور انتظامیہ کے خلاف نعرے بازی کی ،احتجاجی مظاہرہ سے خطاب کرتے ہوئے آل سینٹری ورکرز یونین کے چیئرمین طارق محمود مغل دین نے کہا کہ ملازمین کا تحفظ کیا جائے گا اور ملازمین کے ساتھ زیادتی نہیں ہونے دی جائے گی ۔ مظاہرہ سے صدر پی ایچ اے یونین عابد بھنڈر، آل سینٹری ورکرز یونین کے وائس چئیرمین بابر رضوان باجوہ،سینئر نائب صدر ڈاکٹر ذوالفقار شان،اعجاز شاہ،گوشی،اشرف رحمت اشرف اسماعیل،آصف چیدہ،سرور بوٹا،یعقوب غوری،طیب بٹ نے بھی خطاب کیا ۔
فرمان الہی
نماز کے اوقات
