فرمان الہی
نماز کے اوقات
انسداد دہشت گردی عدالت (اے ٹی سی) راولپنڈی نے پی ٹی آئی احتجاج میں گرفتار 676 ملزما ن کا 4 روزہ جسمانی ریمانڈ منظور کرلیا۔
انسداد دہشت گردی عدالت کے جج امجد علی شاہ نے جسمانی ریمانڈ منظور ہونے والے ملزمان کو 7 دسمبر کو دوبارہ پیش کرنے کا حکم دیا۔
پی ٹی آئی کے 24 نومبر کے احتجاج کے دوران گرفتار کیے گئے ملزمان کی عدالتی پیشی کا سلسلہ آج بھی جاری رہا۔
اے ٹی سی راولپنڈی میں24 نومبر کے مقدمات کی 7 گھنٹے سے زائد طویل سماعت ہوئی، عدالت میں تھانہ حسن ابدال کے گرفتار کارکنان پیش کیے گئے۔
پولیس نے 682 ملزمان کو عدالت کے روبرو پیش کیا، تمام کے جسمانی ریمانڈ کی استدعا کی، اے ٹی سی راولپنڈی نے ان میں 2 ملزمان کو مقدمے سے ڈسچارج کردیا۔
اے ٹی سی راولپنڈی نے 676 ملزمان کا 4 روزہ جسمانی ریمانڈ منظور کیا جبکہ 4 ملزمان کو جوڈیشل ریمانڈ پر اڈیالہ جیل بھیج دیا۔
