فرمان الہی
نماز کے اوقات
فپوآسا سندھ شاخ نے سندھ کی جامعات میں نان پی ایچ ڈی اور بیوروکریٹ وائس چانسلر مقرر کرنے کے حکومتی فیصلے کے خلاف پیر اور منگل کو بھی سندھ کی تمام سرکاری جامعات میں تعلیمی سرگرمیاں معطل رکھنے کا اعلان کردیا۔
فپوآسا کے مرکزی رہنما پروفیسر محسن علی کے مطابق یہ احتجاج حکومت کے فیصلوں کی واپسی تک جاری رہے گا۔ اس دوران طلبہ کی تعلیم میں کسی بھی خلل کی ذمہ داری حکومت پر عائد ہوگی۔
دریں اثناء، فپوآسا سندھ چیپٹر کا آن لائن اجلاس پیر، 20 جنوری 2025 کو منعقد ہوگا جس میں معاملات پر تبادلہ خیال کیا جائے گا اور آئندہ کا لائحہ عمل ترتیب دیا جائے گا۔
یاد رہے کے وفاقی ہائی ایجوکیشن کمیشن کے چیئرمین ڈاکٹر مختار نے وائس چانسلر کی عمر کی حد 65 برس سے کم کرنے، نان پی ایچ ڈی اور بیوروکریٹ وائس چانسلر لگانے پر گہری تشویش کا اظہار کیا اور کہا کہ اس سے سندھ کی اعلیٰ تعلیم پر خراب اثرات پڑیں گے۔
انہوں نے وزیراعلیٰ سندھ سے اقدام فوری واپس لینے کا مطالبہ کیا ہے۔
