فرمان الہی
نماز کے اوقات
کراچی کے علاقے نارتھ کراچی ڈسکو موڑ پر گھر سے خاتون کی کئی روز پرانی پھند لگی لاش برآمد، شوہر منظر عام سے غائب ہے، موبائل نمبر بھی بند ہے۔
ریسکیو ذرائع کا کہنا ہے کہ نارتھ کراچی ڈسکو موڑ پر گھر سے خاتون کی کئی روز پرانی پھندا لگی لاش ملی، لاش کو ضابطے کی کارروائی کے لیے عباسی شہید اسپتال منتقل کر دیا گیا۔
پولیس حکام کا کہنا ہے کہ پڑوسیوں نے تعفن اٹھنے پر اطلاع دی، پڑوسیوں کے مطابق خاتون نے اپنے شوہر کے ہمراہ چند روز قبل ہی کرائے کے گھر میں رہائش اختیار کی تھی۔
خاتون کے بھائی کا کہنا ہے کہ اس کی بہن کے پہلے شوہر سے 4 بچے ہیں، کچھ عرصے قبل دوسری شادی کی تھی، کل بہنوئی نے اطلاع دی کہ ثمینہ کہیں چلی گئی ہے۔
بھائی کا کہنا ہے کہ آج پولیس نے لاش کے بارے میں بتایا جس کے بعد سے بہنوئی کا موبائل فون نمبر بھی بند ہے۔
